Landsmót

Í gegnum árin

Listi yfir Landsmót Snigla/Bifhjólamanna…í gegnum tíðina


Landsmót Snigla er án efa mesta hátíð bifhjólamanna ár hvert og hefur enginn sem hefur á landsmót komið gleyma því.
     Landsmót snigla var fyrst haldið í Húsafelli sumarið 1984 í blíðskaparveðri en þangað mættu fáir enda samtökin ung. Engin landsmót voru svo haldin 1985-1986 en árið 1987 var haldið fyrsta landsmótið í Húnaveri og mættu þar um 120 bifhjólamenn og skemmtu sér vel í glampandi sól og steikjandi hita alla helgina. 
1988 -89-90 voru landsmót haldin í Húnaveri og fjölgaði gestum ár frá ári .

Skógar árið 1991 var landsmótið haldið að Skógum undir Eyjafjöllum og var það besta landsmót frá upphafi. (þá). Var 20° hiti og heiðskýrt og skemmtu sér meira en 310 bifhjólamenn sér konunglega þá helgi.  1992 var Landsmót haldið í Trékyllisvík á Ströndum og mættu þar 200 manns þrátt fyrir slæma vegi.
Alls staðar sem Sniglar koma saman og halda mót koma þeir sveitungunum og lögreglu þægilega á óvart með kurteisislegri framkomu og góðri umgengni.
1993 þegar mótið var haldið í Hallormstaðaskógi gaf Lögreglan á Egilstöðum okkur borðfána í þakklætiskyni fyrir samstarfið.
Landsmót er alltaf haldið fyrstu helgina í júlí þe. ef sunnudagurinn er 1.júlí þá er það helgin sem landsmót er. o.s.f.v.   
Landsmót er ekki bara ætlað Bifhjólamönnum heldur öllum sem hafa áhuga á mótorhjólum.
og skiptir það ekki máli hvernig hjól.

Dagskráin hófst áður fyrr á föstudagskvöldum en í seinni tíð hefur dagskráin hafist á fimmtudagskvöldum með góðri kvöldvöku og jafnvel hljómsveit.
á föstudeginum var áður fyrr miðnæturtónleikar og Súpa sem elduð er í nornapotti sem allir snæddu og svo var setið við varðeldinn og sungið og drukkið fram á morgun.
Nú orðið er súpan enn við líði og svo dansiball og sungið og drukkið fram á morgun.
Á laugardeginum eru svo leikar þar sem keppt er í hinum ýmsu mótorhjólagreinum og eftir leikana er stórsteik og um kvöldið lokadansleikur fram á morgun…
Sunnudagur fer í frágang á svæðinu og taka allir þátt í því sem heilsu hafa. Við skiljum alltaf vel við okkur svæðin því við viljum halda áfram að halda landsmót.

Hér fyrir neðan má sjá listan af Landsmótum frá 2010 og til núna en til að sjá allan listan yfir mótin frá upphafi smelltu hér. Landsmót frá a til ö

Húnaver 2010 (Óskabörn Óðins)

Húnaver 2011 (Raftar)

Húnaver 2012 (Mc Skál)

Húnaver 2013 (Sober riders)

Húnaver 2014 (Sniglar 30 ára afmælismót)

Vestmannaeyjar 2015 (Drullusokkar)

Iðavellir Héraði 2016 (Goðar) 

Núpi Dýrafirði 2017 (Mc Tígerlillys)

 


Ketilás í Fljótum 2018 (Tían)

Brautartunga Lundareykjadal 2019

Laugarbakki Miðfirði 2020

Share This