Ferill Valentino Rossi er stórkoslegur, en hann er víst þriðji hæst launaði akstursíþróttamaður heims (margir halda því fram að hann sé hæstlaunaði akstursíþróttamaður heims með um 40 milljón dollara í árslaun, en formúla 1 heimsmeistarinn Luis Hamilton er sagður vera með 35 milljónir).
Í dag 14.11. 2021 keyrði hann sinn síðasta kappakstur til heimsmeistara á mótorhjóli. Rossi sem er 42 ára hefur keppt samfellt í 26 ár á ýmsum mótorhjólum til heimsmeistara síðan hann var 17 ára. Hér eftir eru nokkrar “sturlaðar staðreyndir” um þennan mikla mótorhjólamann, en sum af þessum “metum eða staðreyndum” verður aldrei slegið.
Rossi og Phil Read eru einu mótorhjólamennirnir sem vinna heimsmeistaratitla í 125, 250 og 500cc flokkunum. ( Marc Marquez hefur unnið titla í 125cc, Moto2 og MotoGP).- – Valentino Rossi er sá eini sem hefur unnið heimsmeistaramót í fjórum flokkum: 125, 250, 500 og MotoGP.
- – Rossi og Giacomo Agostini eru einu tveir knaparnir sem hafa unnið keppnir til heimsmeistara á bæði tvígengis og fjórgengis vélum.
- – Sigur hans í MotoGP í Suður-Afríku 2004 gerði hann að fyrsta ökumanninum til að taka á móti fyrstu verðlaunum í öllum mótorhjólaflokkum.
- – Árið 2004 varð hann annar ökumaðurinn til að vinna heimsmeistaratitil á mismunandi tegundum (Eddie Lawson var sá fyrsti, sigraði á Yamaha 1988 og Hondu 1989).
- – Hann á metið í röð á verðlaunapalli í stæðsta mótorhjólaflokknum, á verðlaunapalli 23 skipti í röð, frá Portúgalska GP 2002 til Suður-Afríku GP kappakstursins árið 2004.
- – Rossi átti þann heiður að sigra 500. sigur Honda þegar hann vann japanska 500cc GP í apríl 2001.
- – Rossi hefur unnið GP mót og orðið heimsmeistari á sjö mismunandi mótorhjólum: 125cc Aprilia, 250cc Aprilia, 500cc Honda, 990cc Honda, 990cc Yamaha, 800cc Yamaha og 1000cc Yamaha, alls hefur hann orðið 9 sinnum heimsmeistari.
- – Ellefu sigrar hans árið 2005 eru mesti fjöldi sigra í MotoGP á einu keppnistímabili (stæðsta mótorhjólaflokknum) hjá Yamaha ökumanni
- – Hann er eini ökumaðurinn sem hefur unnið fimm eða fleiri keppnir í röð á Yamaha.
- – Hann er eini ökumaðurinn í sögunni sem hefur unnið fimm eða fleiri mót í röð á tveimur mismunandi gerðum hjóla (Yamaha og Honda).
- – Hann er sigursælasti ökumaður Yamaha allra tíma með 56 sigra á Yamaha
- . – 89 sigrar hans í stæðsta flokknum eru fleiri en nokkur annar knapi í sögu Grand Prix kappaksturs (annar á þessum lista er Giacomo Agostini með 68 sigra í úrvalsflokki).
- – Hann hefur unnið 115 GP keppnir í þremur flokkum. (Aðeins Giacomo Agostini með 122 sigra hefur staðið á efsta þrepinu á verðlaunapallinum meira í Grand Prix kappakstrinum).
- – Síðast þegar hann var á palli var hann í þriðja sæti á Jerez árið 2020, það var í 199. sinn sem hann náði á verðlaunapall í heimsmeistarakeppni stæ´stu mótorhjólanna (annar á þessum lista er Jorge Lorenzo með 114 sinnum á pall).
- – Hann hefur verið á verðlaunapalli 235 sinnum í öllum flokkum, sem er meira en nokkur annar ökumaður í sögu Grand Prix kappaksturs (annar á þessum lista er Giacomo Agostini með 159 sinnum á pall).
- – Keppnin 14.11.2021 í Valencia GP var 432. ræsing Rossi í Grand Prix. Þetta þýðir að hann hefur tekið þátt í 44,4% af öllum Grand Prix mótum sem hafa farið fram síðan heimsmeistaramótaröðin hófst árið 1949 ( sá knapi sem er næstflestur í GP ræsingum er Andrea Dovizioso með 332 í lok árs 2021).
- – Rossi hefur lengsta sigurferilinn í GP kappaksturs á stæðstu mótorhjólunum, en síðasti sigur hans á hollenska TT árið 2017 kemur 16 árum 351 dögum eftir hans fyrsta 500cc GP sigur á Donington árið 2000 (knapinn með næstlengsta sigurferilinn í úrvalsflokkur er Alex Barros – 11 ár 204 dagar).
- – Hann á einnig lengsta vinningsferil í öllum flokkum; 20 ár 311 dagar frá fyrsta sigri hans í GP í 125cc flokki á Brno árið 1997 og síðasta MotoGP sigurs hans í Assen árið 2017 (annar í þessu sambandi er Loris Capirossi með 17 ár og 49 daga).
- – Á ferli sínum hefur Rossi keppt á 38 mismunandi Grand Prix-brautum.
- –
- – Þar sem Valencia keppnin var síðasta mót Valentino Rossi verður það mjög líklega í síðasta skipti sem mótorhjólaökumaður fæddur á áttunda áratugnum mun hefja Grand Prix keppni.
- Af þessum 38 brautum hefur hann unnið að minnsta kosti einn GP vinning á 29 brautum. Enginn annar ökumaður í sögu mótorhjólakappaksturs hefur sigrað á jafn mörgum mismunandi brautum og Rossi.
- – Kappakstursbrautirnar þar sem Rossi hefur unnið flesta GP-sigra eru Catalunya og Assen þar sem hann hefur unnið tíu sinnum á hvorri þessara tveggja brauta.
- – Í stæðsta mótorhjóla flokknum hefur Rossi keppt á 29 mismunandi brautum.
- – Hann hefur sigrað á 23 af þessum 29 brautum.
- – Brautin sem Rossi hefur oftast keppt á í Grand Prix er Jerez kappakstursbrautin á Spáni, þar sem hann hefur ræst 27 GP ræsingar í þessum þremur flokkum, þar af 23 í stæðsta flokknum.
- – Á GP ferli sínum hefur Rossi deilt verðlaunapalli með 55 mismunandi keppinautum.
- – Síðasta skiptið sem Rossi deildi verðlaunapalli með ökumanni sem er eldri en hann sjálfur var í tékkneska kappakstrinum 2008, en sá var Loris Capirossi.
- Samantekt Hjörtur Líklegur #56
