...

Eldsmiðurinn á ferðinni um evrópu

by | ágú 29, 2025 | Ferðasaga Eldsmiðsins, Greinar 2025, maí-ágúst-2025

Mótorhjólaferðin mín. 1. áfangi.

Fyrsti áfangi var að koma sér út til Billund í Dk. Þar sem Óli bróðir og Stefania tóku á móti mér. Gisti fyrstu 2 næturnar hjá þeim í góðu yfirlæti en Gullvængurinn var þar í geymslu.
Notaði fyrsta daginn til að þrífa hjólið, pakka og hlaða í og á hjólið svo allt væri klárt til að bruna af stað kl.8 morguninn eftir suður Jótland og hitta Siggu ( Sigríður ) en hún var komin til vinafólks síns Áka og Kötu syðst á Jótlandi.
Ætlum við Sigga að fara í samfloti á Goldwing mót í Luxemburg með viðkomu í mótorhjólabúð í Hollandi😎 2 daga ferð ca. 11 tíma keyrsla.
Verður gott að fara á fyrsta GW mótið í samfylgd reynslubolta eins og Siggu, en hún er búin að þræða Goldwing mót um alla Evrópu síðan í apríl 😉
Spenntur fyrir morgundeginum, verður gott að komast á Vænginn aftur.

En nú er kominn háttatími, góða nótt.

.

______________________________________________________________________________________

Mótorhjólaferðin mín. 2. áfangi.

Fór frá Óla bróðir í morgun snemma og hitti Siggu Ben (Sigríður) hjá Áka og Kötu. Héldum sem leið lá niður Jótland til Þýskalands, fram hjá Hamborg með tilheyrandi umferðateppum og til Bremen.
20°hiti í DK þegar ég fór af stað en fór í 29° þegar við komum til Þýskalands Fórum þar í Louis mótorhjólabúð í Bremen og pöntuðum okkur gistingu þar rétt fyŕir utan.

Vorum í sambandi við Norðmanninn Stein sem er líka að fara á mótið í Lux og gistir hann á sama stað í nótt og sláumst við í för með honum á morgun. rúmir 500km. farnir í dag og síðan gott spjall yfir öli um kvöldið. Kominn í fínasta hótelherbergi og snemma að sofa því dagurinn á morgun verður langur með útúrdúr til Hollands. Finnst ég soldið vera að ferðazt með húsbílafélaginu 😆 sjá myndir. Góða nótt elskurnar.m

 

.__________________________________________________________________________________

 

 

Mótorhjólaferðin mín. 3. áfangi.   (Six Center)

Vöknuðum snemma í Bern og drifum okkur af stað södd og sæl eftir fínann morgunverð á Hótel Select A1. Var ferðinni heitið til Hollands, lögðum við af stað í 19° hita en seig upp í 27°þegar leið á daginn. Fórum fyrst i Six center og hittum legend Bert Vonderman sem sérhæfir sig í 6 sylindra hjólum en þó aðallega Hondu CBX. Það var upplifun að skoða búðina hanns og verkstæðið. Held ég verði að setja sér pistil með myndum fyrir CBX nördana 🤪 Síðan var ferðinni heitið í Best Biker Goldwing búðina. Þar voru til Vængir á öllum aldri í miklu úrvali og allt sem maður gat hugsað sér á Goldwing, auk fatnaðar og fl. Kanski verð ég bara að sdtja sér pistil fyrir Goldwing nörda líka 😜 Hjóluðum síðan upp Hollland og held við höfum aðeins sneitt inn í Belgíu líka 😁 Lentum í rigningu í ca. hálftíma rétt áður en við komum til Luxemburg annars var veðrið frábært heitt en skýjað megnið af deginum. Lentum þrisvar í umferðar töfum vegna framkvæmda en svindluðum okkur nú aðeins í gegnum það 😉 Komum á mótssvæðið í Luxemburg um átta leitið eftir 11-12 tima keyrslu og tæpa 700 km. þreytt en sæl. Þakka mínum frábæru ferðafélögum Sigríður Benediktsdóttir og Stein Kvam fyrir samfylgdina í dag.Búinn að tjalda og gera cósý, farinn að sofa góða nótt.

________________________________________________________________________________________________________

Mótorhjólaferðin mín, 4. áfangi.

Síðustu 2 daga var ég á Goldwing mótinu í Luxemburg. Fyrri dagin fórum við Sigga (Sigríður Benediktsdóttir ) og skoðuðum okkur aðeins um í nágreninu og verð ég að segja að Luxemburg er eitthvert fallegasta og snyrtilegasta land sem ég hef komið til og einstaklega gaman að bruna þar um á mótorhjóli, hlykkjóttir vegir í einstaklega fallegu umhverfi. 😎
Áttum skemmtilega kvöldstund í partý tjaldinu þar sem Sigga kynnti mig fyrir fólki af hinum ýmsu þjóðernum. 🤪

Laugardagurinn fór í slökun og rölta um og skoða Gullvængi af ýmsu tagi og útfærslum. Set texta við myndirnar. Seinnipartin ákváðum við 4, þ.e. ég, Sigga og 2 Norðmenn að pakka saman og keyra eitthvað stutt í gistingu eftir slúttið um kvöldið því það spáði rigningu morguninn eftir og ekki gaman að taka saman og ganga frá tjöldum í rigningu. En við ætlum öll af stað morguninn eftir og þá skilja leiðir. Norðmaðurinn Stein sá um að finna gistingu á skikkanlegu verði og gerði það svo sannarlega, sagðis hafa fundið litla bústaði þar sem við hefðum öll sér herbergi. Reindust vera smá kofar sem voru ekkert nema rúmið en bara fyndið og akemmtilegt. Þú hoppar bara inn um hurðina beint upp í rúm 😆 Jæja þarf að fara að skoða kort og ákveða hvert ég stefni á morgun 😉

______________________________________________________________________________________________

 

Mótorhjólaferðin mín, 5. áfangi.

Smá skrítið að fara af stað í morgun einn og kveðja ferðafélagana mína kæru vinkonu Sigríður Benediktsdóttir sem var að stefna heim og Norðmennina Stein Kvamme og Nils Magne Røv sem við vorum búin að vera með um helgina og hjóluðu með okkur í fyrstu gistingu eftir mótið.
En nú skildu leiðir, Sigga og Stein fóru i samfylgd til Hirtshals þar sem hann átti bókað með feju til Noregs en Sigga með Norænu til Íslands. Nils ætlaði að hjola norður á bóginn í Mósel dalinn en ég tók stefnuna í suðaustur á Króatiu sem er 1.700 km. ca og allavega 3 daga túr.
Vel gekk í dag og rúllaði ég 630km. og er kominn í gistingu í fjallahóteli í Þýskalandi nálægt Áusturríki, ægifagrar sveitir og bæir allt um kring
Byrjaði í súld og rigningarúða og. 14-16° hita en eftir tæpa 2 tíma birti til og var sól og 23-25° hiti það sem eftir var dags.
Stundum vakna ég hér á morgnana og hugsa“ Hvern fjandan er ég að gera, væri ekki nær að vera bara heima í rólegheitum og spila bara golf eða eitthvað, eins og flestir á mínum aldri.En ekki að kúldrast í tjaldi og hjóla á mótorhjóli uppí 6-10 tíma á dag“
En bara stundum, svo fer ég af stað og þá kemur þessi tilfinning, ahhhhh hvílík sæla og hvílíkt frelsi, þá gleymast allir bakþankar.
Stefnan á morgun er tekin í gegnum Austurríki og helst að enda við Bled vatn í Slóveníu annað kvöld.
Jæja sofa í hausinn á sér, ekki veitir af hvíldinni. Góða nótt allir sem nenna að lesa 🥰

Ath. textar við myndirnar 😉

______________________________________________________________________

 

Mótorhjólaferðin mín, 6. áfangi.

Fór frá fjallahótelinu í Þýskalandi snemma í morgun og stefnan tekin á Slóveníu.

Hitinn fór mest í 27° á landamærum Austurríkis og Slóveníu. Svakalega fallegt að hjola Austurísku fjallvegina og í gegnum þessi fallegu fjallaþorp.

Mikið af Harley Davidson hjólum á ferðinni, sennilega treffen (mót) einhverstaðar. Þegar ég fór af stað frá hótelinu og í gegnum þorpin um 9 leitið um morgunin voru allar búðir og veitingastaðir lokaðir nema HD búð sem ég fann í einhverju smáþorpi hún var opin svo eg kíkti við, en þeir höfðu ekki mikin áhuga á að tala við mig, sennilega ekki á rétta hjólinu eða með rétta lookið 😎
Ákvað að stoppa á leiðinni og panta gistingu í 2 nætur í Bled í slóveníu, fara svo á morgun og hjóla í kringum Bled vatn sem er talið eitt það fallegasta í Evrópu og kíkja á Bled kastalann.
Kom til Bled seinni partinn, hafði þá farið tæpa 500km. og fór blessaður GPSinn með mig mestmegnis sveitavegi sem var skemmtilegt en seinlegt.
Nú segir daman í lobbýinu mér að það eigi að mígrigna allan morgundaginn 😟 Þannig að ég er búinn að setja ábreiðuna yfir hjólið og kanski verður morgundagurinn bara hvíldardagur😴 það kemur í ljós. Sit hérna á þessum fína veitingastað við hliðina á hótelinu og sötra Jack í kók. Talinn rosa góður pizza staður, kanski ég prófi 😋 Verið góð við hvort annað elskurnar, lífið er núna ❤️
__________________________________________________________________________________________________

Mótorhjólaferðin mín, hvíldardagur.

Úrhellisrigning hér í Slóveníu í dag þannig að ég hjólaði ekkert, tók bara hvíldardag.
Fjárfesti mér i regnhlíf, heilar 5 evrur 😉 svo ég gæti labbað um bæinn.
Er í raun í litlum bæ sem heitir Lesce allveg við hliðina á Bled. Fór í laundromat og þvoði þvott, skrapp í Tailenskt nudd (ekki veitti af) og rölti um bæinn og tók myndir eins og hver annar túristi á milli þess sem ég settist inná kaffihús og fékk mér kaffibolla. Meira segja fékk mér síestu um miðjan daginn og lagði mig.
En spáin er þokkaleg fyrir morgundagin og ætla ég þá að fara skoðunarferð að Bled vatni og kastalnum.
Búin að pakka öllu þannig að ég geti hent á hjólið og farið snemma af stað. Læt með nokkrar myndir af deginum og af þessum fallega bæ og umhverfi.

_____________________________________________________________________________________________________________________

Mótorhjólaferðin mín, 7. áfangi.

Spáin var frekar leiðinleg fyrir daginn í dag þannig að eg ákvað að vera 1 nótt í viðbót hér í Slóveníu, ætlaði alls ekki að fara áfram án þess að skoða Bled vatnið, kastalann og nánasta umhvefi.
Rættist úr veðrinu um 11 leytið í morgun þannig að ég dreif mig af stað. Magnað svæði að skoða, fegurðin mikil hvert sem litið var og hitinn fór í 24°. 🫠 Set hérna inn töluvert af myndum frá Bled vatni og umhverfi 🥰
Rosalega mikið af hjólum á ferðinni og sérlega mikið af Harley Davidson og mest Ultra Glide einnig náttúrulega mjög mikið af BMW ferðahjólum, stórir hópar að ferðast saman 😎 Sá þó nokkra Gullvængi 😉
Ákvað að nú skildi ekki etið úr malpokanum, kominn tími á alvöru prótein. Fann finann veitingastað í gamla bænum hérna og pantaði Ribeye steik medium rare, hun var nú nær rare en það gerði ekkert til villimaðuriin í mer afgreiddi hana með bestu list og gott rauðvín með. 1 glas af góðu whiskey toppaði daginn.😋 Leyfði þessum líka bráðfallega geitung að gæða sér á leifunum. 🤪 Má geta þess að 2 stórir bjórar, Ribeye steik, rauðvínsglas og 2 whiskey glös (já þau urðu 2) kostaði 45 evrur 😉
Rólegheit í kvöld og undirbúningur fyrir áframhaldandi ferðalag á morgun.
Búinn að mæla mér mót við Ivan Furdek Króata sem var að vinna hjá okkur við Vaðlaheiðagöngin, einn af nokkrum sem ég hef haldið sambandi við. En þá er að gera klárt fyrir morgundaginn.
Munið elskurnar að við erum alls konar, engin tvö okkar eins.
Látum ekki forpokaða þröngsýnispúka telja okkur trú um annað.🥰
Hafið það sem allra best ❤️

Mótorhjolaferðin mín 8. áfangi.

Fór frá Bled í Slóveníu snemma í morgun og stefnan tekin á Duga Resa í Króatíu, þer sem vinur minn Ivan Furdek býr og var búinn að bjóða mér heim.
Ekki var ferðin þangað allveg áfallalaus, fór GPSinn 3 sinnum með þig ranga leið og þegar ég áttaði mig á því reyndi ég að snúa við með því að fara út í möl og taka U beigju en tókst ekki betur en svo að ég missti Vænginn á hliðina við veginn. En ekkert alvarlegt, lak bara á hliðina og ekkert skemmdist en mikið asskoti var þungt að reisa hann við með öllum farangrinum 😖
Komst heim til Ivans áfallalaust að öðru leiti.
Þar voru móttökurnar eins og best gerist, fór ég með honum, konu hans og börnum á sælureit sem þau eiga 5 mín að heiman við lygna á. Þar var grillað alls konar góðgæti, setið og spjllað fram í myrkur. (Sjá myndir og texta).
Þau gátu ekki hugsað sér að ég svæfi á dýnu á golfinu hjá þeim, þannig að áður en ég fékk rönd við reist voru þau búin að semja við lítið hótel hinum megin við götuna.
Og þar sit ég nú og skrifa þetta.
Meira síðar kæru vinir 🥰🥰🥰__________________________________________________

Mótorhjólaferðin mín, víngerðardagur.

Tók daginn snemma og fór með Ivan Furdek vini mínum upp í hlíðarnar fyrir ofan Duga Resa í Króatíu þar sem pabbi hanns býr og stundar vín búskap.

Þrúgurnar eru flottar

Ræktar hann þrúgur bæði rauðar (Pinot noir) og ljósar. Í dag var verið að tína rauðu þrúgurnar i snarbröttum hlíðum fyrir ofan húsið.
Allt tínt á höndum í fötur og borið niður í kjallarann þar sem þrúgurnar eru hakkaðar í stórri handsnúinni hakkavél og rífur hún einnig stilkana af og skilur frá.
Sá gamli leit á mig smá stund, (hann náði mér í handakrika) og ákvað að best væri að láta mig snúa hakkavélinni, sem ég gerði af mikilli samviskusemi þar til yfir lauk. 🥵
En hann var þó alltaf að segja mér að taka pásu og fá mér spritzer sem þeir drukku í ómældu, en það er frekar þurrt hvítvín blandað með köldu sódavatni og hinn fínasti svaladrykkur 🤪 Mjög gaman var að taka þátt í þessu og lærdómsríkt.
Seinna um daginn fórum við Ivan og gengum um gamla miðbæinn í Karlovac sem hafði verið rammgert virki og á mikla sögu. Þar settumst við niður á kaffihúsi og hittum annan Króata sem hafði unnið við Vaðlaheiðagöngin, hann Milan Žakula sem var yfir steypugenginu sem kom í restina og steypti vegskálana. Áttum við skemmtilegt spjall þarna saman.😉 Fórum við Ivan svo á flottann veitingastað um kvöldið þar sem við sátum allveg á arbakkanum. Takk fyrir kæri Ivan Furdek og fjölskylda 🥰
En nú er að plana áframhaldandi ferðalag suður til Zadar, kanski ég fari bara strandveginn með Adria hafinu þó það sé helmingi lengra, ekki svo nauið.
Þar er hann Marteinn Jensen gamli vinur og er hann með íbúð og mótorhjól þar og ætlar að hjóla á móti mér á morgun.
Hlakka til að hitta hann og stoppa eitthvað hjá honum 🥰

______________________________

Mótorhjólaferðin mín, Zatar Króatíu.

Dagur 1.
Lagði af stað frá Ivan Furdek vini mínum í Duga Resa um kl. 10 og ákvað að fara í vestur að strönd Adria hafsins og svo suður eftir ströndinni til Zadar, þó það væri töluvert lengri leið en hraðbrautin.
Vinur minn Marteinn Jensen ætlaði að koma á mótorhjólinu á móti mér frá Zatar. Átti þetta samkvæmt Google að taka tæpa 5 tíma en það var nú aldeilis ekki.😶‍🌫️
Byrjaði ég a því að fá rigningu fyrsta kafla leiðarinnar, en þegar ég fór í gegnum nokkur göng fór eg inn í rigningu og kom út í glampandi sól hinum megin við fjallið.
Hitinn í byrjun var ekki nema 14° en endaði í 30° áður en dagurinn endaði. 😎
Síðan lenti ég í endalausum töfum vegna vegaframkvæmda og svakalegrar umferðar. Rosalega mikið af mótorhjólum þarna á ferðinni, enda strandvegurinn mjög vinsæll hjá hjólamönnum.
Við Marteinn vorum búnir að mæla okkur mót í Karlobag, litlum strandbæ ca. 150 km frá Zadar, fengum okkur að borða þar.
Keyrðum yfir vinsæla teygjustökks brú og voru akkúrat einhver ungmenni að hoppa þegar við stoppuðum þar.
Héldum svo áfram en tafirnar voru ekki búnar. Þegar við nálguðumst Zadar var lögreglubíll með blikkandi ljós á veginum og vísaði allri umferð inn á annan veg sem tók stóran krók aður en við komumst í borgina. Þannig að við vorum ekki komnir í hús hjá Marteini og vinkonu hans fyrr en um kvöldmat. Þar var tekið á móti mér með uppábúnu rúmi og kærkominni sturtu. ❤️

Dagur 2.

Marteinn fór með mig í skoðunarferð um gamla miðbæinn þar sem miklar minjar eru frá tímum Rómverja, ótrúlegt hve hlutirnir hafa haldið sér og eru vel byggðir eins og t.d. bara vegir úr höggnu grjóti sem eru betri en margir nýjir vegir í dag. Held að Vegagerðin ætti að ráða nokkra Rómverja í vinnu 😉 Virkisveggir og varðturnar standa enn.
Seinnipartin fórum við í bíltúr m.a. til lítils strandbæjar sem heitir Stanici og er sunnan við Zadar. Mjög fallegur og vinsæll strand og hafnarbær. Mikil bátamenning og strandveiðimót á bryggjukantinum þegar við komum. Flottur fiskmarkaður og grænmetismarkaður.
Einstaklega gaman að skoða gamla hlutan þar með sínum þröngu götum og fallegu gömlum byggingum.
Vorum þar fram á kvöld til að sjá sólsetrið sem var tikomumikið þarna við höfnina, og fengum okkur kvöldmat við sjávarsíðuna.
En nú þarf ég að hugsa minn gang og rýna í veðurkortin því það virðist vera rigningarspá framundan.😵‍💫 Meira síðar mín kæru. 🥰
_________________________________________________
______________________________________________________________________

Mótorhjólerðin mín, 10. áfangi.

Fór frá Króatíu fyrr en ég ætlaði, rigningarspá framundan. Kvaddi Marteinn, Andreönu og ljúfa hundinn þeirra 🥰 og ákvað að bruna eins og vindurinn til þess að vera á undan rigningunni.
Marteinn fylgdi mér á mótorhjólinu fyrstu 100 km. eða svo.
Skrítin tilfinning að veifa honum bless þegar hann sneri við og vera aftur einn á ferðinni á algjörlega ókunnum slóðum og stefna út í óvissuna. 😎
  Ætlaði að hjóla fram á kvöld þennan dag til að komast sem næst næsta áfangastað sem var til Holgers vinar míns sem býr rétt hjá Hannover í Þýskalandi.
   Komst til Slóveníu í bæinn Maribor og fékk fína gistingu þar.
Spurði um einhvern veitingastað og benti vertinn mér á stað sem heitir Pizzeria Toskana og hugsaði ég, jæja fæ kanski þokkalega pizzu, en fékk þá bestu nautasteik sem ég hef fengið lengi.  Ef þið eruð á ferðinni í Slóveníu er þess virði að koma við á þessu steikhúsi í Maribor 😉😋.
   Fór svo af stað næsta morgun í gegnum Áusturríki og yfir til þýskalands á bruni og ætlaði að hjóla fram á kvöld, en hlutirnir ganga ekki alltaf upp eins og maður ætlar. Byrjaði á að lenda í endalausum vandræðum með símann sem ég nota sem GPS, vildi ekki tengjast við Bluetooth í hjálminn og var með tómt vesen.
Kom þvi í lag en komst ekki af stað fyrr en um 10 um morguninn. Um kl 16. for að rigna og endaði með grenjandi rigningu þannig að ég varð rennandi blautur og síminn fór i tómt rugl þegar regndropar lentu á honum. þannig að ég þurfti að beygja inn í næsta bæ og leyta skjóls a næstu bensínstöð. Þar fór ég að skoða gistimöguleika en uppgötvaði þá að það var Luis mótorhjólabúð rétt hjá, fór þangað og labbaði út með vatnsheldann mótorhjóla GPS.  Fann fína gistingu rétt hjá, þetta var í bænum Regensburg í þýskalandi.

Kynntist þar mótorhjólamönnum sem gistu þarna líka og voru að ferðast um svæðið, sat ég og spjallaði við þá fram á kvöld.

Það voru þó ca. 500 km. farnir þann daginn 😎
Fór svo frá Regensburg ákveðinn í að komast til Holgers á undan rigningunni. Þessi dagur var bara brun á hraðbrautum, enda fór eg tæpa 700km, og kom til Holgers vinar míns akkúrat þegar hann var að fara í einhvern hitting með vinum sínum í næsta húsi.   Dreif ég mig í sturtu og slóst í för með honum.  Æðisleg kvöldstund, við varðeld og spjall, held ég þurfi að fara að læra Þýsku 😉 Næstum 1.200 km. farnir a þessum 2 dögum.
Hafið það sem best mín kæru, nú styttist í heimferð 🥰
_________________________________________________________________________

Mótorhjólaferðin mín, Lokasprettur.

Við Holger byrjuðum á að tengja og græja nýja Garmin GPSinn sem ég keypti í Louis búðinni en fór síðan frá Holger í Þýskalandi snemma þar sem ég ætlaði að ná til Óla bróður og Stefania og heimsækja fólk í Danmörk á leiðinni.
En hlutirnir breytast og lenti ég í mígandi rigningu og þrumuveðri þegar ég kom yfir landamærin til DK. svo ég ákvað að sleppa öllum útúrdúrum og brunaði beint til Vonge.
Átti yndislegar stundir með Óla, Stefaníu og Gudny, heimsóttum líka Gunnar son þeirra og litlu fjölskylduna hans. Fórum m.a.og skoðuðum Týndu brúna í Danmörku.
________________________________________________________________

Mótorhjólaferðin mín. Heimferðin.

Fór frá Óla bróðir og hanns fólki snemma til Hirtshals í ferjuna.

Lagði af stað í morgun til Hirtshals og var kominn í biðröðina við ferjuna um kl. 13.00 en ferjan lagði úr höfn kl.15.00.
Hitti hjólamenn í biðröðinni við ferjuna sem voru að fara með mótorhjól til Íslands og ætluðu að hjóla um landið í mánuð þ.e. fram í miðjan október. 🤪
Kominn í káetu og búinn að fá mér smörrebröd svo nú er bara að slaka á næstu 2 sólarhringa eða svo og vona að spáin lagist heima. Spáir 1-2° hita á miðvikudaginn á Möðrudalsöræfum sem gæti þítt hálka.
Það verða fáar myndir með þessum pistli þar sem aðalsíminn er eitthvað bilaður og flestar myndirnar eru á honum, en var sem betur fer með aukasíma sem reddar mér núna. Sjáumst fljótlega heima á Fróni elskurnar.
Ekki var spáin góð fyrir lokasprettinn frá Seyðisfirði til Akureyrar, 1-2° hiti og slydda á Möðrudalsöræfum. Heyrði í Gestur Freyr Stefánsson vini mínum þegar ég kom í land en hann fór þessa leið snemma um morguninn á trailer bíl og þá voru hálkublettir í Víðidalnum vestan við Möðrudal. 🥶
Ferðin yfir hafið var tíðindalaus að mestu. Þó var stoppað í Þórshöfn í Færeyjum og höfðu menn 4 tíma til að rölta um bæinn og nýtti ég mér það og tók töluvert af myndum.
Eftir að við komum til Seyðisfjarðar dreif mig af stað eftir að hafa hringt í Vegagerðina og slapp þetta allt til, en hvasst var sums staðar á leiðinni og ekki nema 2° hiti á kafla.
Stoppaði í Dalakofanum og borðaði síðbúinn hádegismat með Gesti.
Kom heim um miðjan dag og lauk þar með þessari ferð. Takk.fyrir öll þið sem fylgdust með og vonandi höfðuð gaman af.🥰
Ætla að setja inn 1 pistil í viðbót þar sem ég set inn smá samantekt á ferðinni, kostnað og fl. og nokkrar vel valdar myndir 😉
________________________________________________________________________________________________________
Mótorhjólaferðin mín. Samantekt.
Ákvað að setja einn pistil í viðbót með ýmsum upplýsingum og slatta af myndum úr báðum ferðunum í sumar.
Eins og sum ykkar vita fórum við Herborg Hanna ❤ fyrst út með Gullvænginn með Norrænu 11. júní og vorum við í15 daga, 2 í ferjuni og 13 á ferðalagi um Danmörk og þýskaland. Við vorum alla ferðina að heimsækja vini og ættingja þannig að við gistum alltaf hjá einhverjum sem við þekktum.🥰
Við fórum Tæpa 3000km. og fórum með rúmar 30.000kr. í bensín og var hjólið að eyða um 4,6L pr. 100km.
Keyrðum oftast ekki mjög langar dagleiðir með undantekningum þó og suma daga ekkert.
Flugum heim 26. júní frá Billund og skildum hjólið eftir í DK. hjá Óla bróðir.
Ég flaug svo aftur út til DK einn 25. ágúst og var 24 daga, 21 dag á ferðalagi og 3 í ferjunni heim. Fór til 9 landa og keyrði rúma 6000km. og fór með um 330L af bensíni sem kostaði mig rúmar 80.000kr. Var hjólið að eyða um 5,4L pr. 100km. Skýringin á mun á eyðslu í fyrri túrnum og þeim seinni er hraðinn, 🤪 keyrði muuuun hraðar þegar Herborg var ekki með mér.
Fór mun lengri dagleyðir en í fyrri túrnum en stoppaði stundum daga hjá góðu fólki þar sem ekkert var hjólað. ❤
Tók ferjuna heim með viðkomu í Þórshöfn í Færeyjum og hjólaði svo frá Seyðisfirði og heim í skítakulda og roki.🥶
Takk fyrir þið sem nenntuð að fylgjast með okkur. Læt slatta af myndum fylgja úr báðum ferðum, set texta við einhverjar. 🥰
Seraphinite AcceleratorOptimized by Seraphinite Accelerator
Turns on site high speed to be attractive for people and search engines.